Lu Zzinzale

di Cino de Portaluce

 

Mannaggia l’anima de lu zzinzale
ca tutta la notte t’have ‘nsurtare
Menthru curcatu stai quetu quetu
mo’ ti lu sienti ttì – ttì de retu
Voju cu tthrasu, voju tte vasu
sia ca ti dice mo’ su llu nasu
E menthru te pìzzaca tie cu lla manu
li dai ‘na scòppula se si cristianu
Dài a tie stessu, sanu iddhru scappa
e a tie cu lli ràppuli la facce ti rrappa
Vatte a ffafrìscere, vane alle fèmmane
ca viddhre nu’ ddòrmenu pensandu a tie
Mannaggia l’anima pocca de màmmata
ca iu me ‘ncèfalu pensandu a tie
Speranza Ddiu ca ti se scàscia l’organu
cusì nu’ rrùnguli cchiù ‘nnanzi mmie.